غريبتنا غريبة في هاذ المدينة
بقلم - محمد اليحياوي
غريبتنا غريبة في هاذ المدينة
ناسها تالفين ماعرفو اشنو وقع
ولاو عايشين فالغبينة
سفيتنا غرقات وربانها تاهو
في البحر وصبحو رهينة
سوارها الشامخة في التاريخ
وفي الذاكرة ولات حزينة
لعبو بك أهل الحال
وماخلاو فيك حتى بلاصة زينة
بعد ماكنت مشهورة يتغنى بك
كل من زارك وأنت الحنينة
أهلها وسكانها عاشو زمان
بلا حسد بلا بغض بلا ضغينة
واليوم ولاو بحال زرع الفطرة
وطحينهم في كل عجينة
بغينا ربي سبحانو العالم بالغيب
إفكنا من هاذ الروينة
ويفك حريرة مدينتنا لي ولات
في يدين هاذ الناس مسكينة
حريرتنا حريرة وخبارنا ولا مشنوع
في كل المدينة
لاثقافة لا رياضة لا خدمة
مهجورين ومغبونين في نفس السفينة.
تعليقات
إرسال تعليق